[center]بسم الله الرحمن الرحيم
العضو الخامس اللي معنا الأخ محمد


S.RAMOS 4


[center]
[center]

- ممكن تقدم نفسك ونتعرف عليك أكثر ؟


محمد من المملكة العربية السعودية
21 سنة و بعد كم يوم إن شاء الله نوصل 22 ضيف المجلس الرمضاني 5 ( S.RAMOS 4 ) Biggrin
طالب في جامعة الملك سعود كلية إدارة الأعمال .
- قبل رمضان هل يكون لك شعور خاص ، أو استعداد خاص ؟
صراحة الشعور ما يبدأ إلا إن رحت شخصيا أجيب أغراض رمضان و شفت الزحمه الفاحشة للمؤونه ضيف المجلس الرمضاني 5 ( S.RAMOS 4 ) Biggrin , بشكل عام رمضان ما يبدأ عندي إلا من ذيك اللحظه , ما عندي إستعداد خاص لكن نفسيا الواحد فعلا يحس براحه نفسيه إن عرف إن رمضان إقترب , أجمل شهور السنة صراحه .


-هل ذقت طعم الصيام في غير بلدك ؟

في الصيف مب الماضي الي قبله , درست لغة في كندا فانكوفر , الصيام خارج ديرتك غير إنه مرهق عشان وقت الصيام الطويل فهو متعب إنك تجلس برمضان وما تقدر تصلي إلا لحالك بسبب عدم توفر مساجد حول الشقة وقتها , يعني ما تحس إنك بجو إيماني وما تحس إنك تصوم فعلا , بس تصوم عن الأكل والشرب وخلاص يعني عكس الأجواء الإيمانية الي نعيشها ولله الحمد هنا .

- موقف طريف أو محرج حدث لك في رمضان ؟

والله ما فيه موقف يحضرني صراحه .

- أكلتك المفضله في رمضان ؟

السفرة الرمضانية بشكل عام ما تخلو من الأشياء الجميله ولله الحمد ولكني أفضّل السمبوسة ضيف المجلس الرمضاني 5 ( S.RAMOS 4 ) Smilie49ضيف المجلس الرمضاني 5 ( S.RAMOS 4 ) Smilie47



- كيف تقضي يومك في رمضان ؟ ( برنامجك اليومي في رمضان ) ؟

يختلف من يوم ليوم , رمضان هذا مختلف بالنسبه لي عن الرمضانات الماضية لأني دفّيت هالصيف دراسة , حتى الأن ما حسيت صراحه إن عندي برنامج يومي لأني لهيت بإختبارات ودراسة لكن إن شاء الله نضبّط برنامج يومي في الأيام المقبلة و بصراحه حتى الأن ما فكرت كيف بنقضي اليوم في هالشهر .

- ماذا تتمنى في هذا الشهر ؟

أن تقبل دعوات جميع المسلمين و أن يتقبل صيامهم و قيامهم و أن يفرّج همومهم
و أن ينصر إخواننا المستضعفين في كل مكان
وأن ينصر إخواننا في سوريا على عدوهم وعدونا

- نأتي بالفطور / ماهي سفرتكم في الفطور عامة ؟

والله يا طويل العمر فطورنا ممكن يكون مختلف شوي , فيه ناس يأكلون كل شي مره وحده مثلا , لكن نظامنا مختلف تماما .. نفطر تمر وقهوه و تاوه ولا قيمات و عقب التراويح إن شاء الله نتعشى العشاء الصدزي ضيف المجلس الرمضاني 5 ( S.RAMOS 4 ) Biggrin

-أنت من جمهور الفيمتو وإلا التانج ؟

نظامي نظام شياب لأني لا أشرب ذا ولا ذا , بس بالنسبة لي أتقبّل الفيمتو أكبر من التانج .

- اول رمضان صمته كم كان عمرك ؟

والله ما أذكر بالضبط لكن مثلي مثل أي شخص , بالبدايه جت رمضانات أصوم أيام بسيطه فيها لين تعودت وصرت أصوم كل الأيام , عاد تخبرون هياط أول بالإبتدائية , أنا رمضان الماضي فطرت خمس أيام ومن هالهياط لين عقلنا ضيف المجلس الرمضاني 5 ( S.RAMOS 4 ) Biggrin
لكن السنة بالضبط صراحه ما أتذكرها .

- نأتي للسحور / تكلم لنا عن سحوركم باختصار ؟

من يوم إني بزر بالنسبة لي السحور عندي كم تميره و لبن يعني ما أحب أكثّر أكل في السحور , هالسنه نفس الشي كم تمره ولبن والحمد لله والشكر ضيف المجلس الرمضاني 5 ( S.RAMOS 4 ) Biggrin

- هل سبق وأخذت عمرة في رمضان ؟ وماهو شعورك ؟

إيه ولله الحمد مره وحده , العمره في رمضان جميله جدا خصوصا مع الصيام , ما تحس بالتعب كل الي تحس فيه هي الأجواء الروحانيه والإيمانية , الحمد لله أخذت حوالي خمس أو ست عمرات لكن عمرة رمضان كانت الأفضل بالنسبة لي .

- / كلمة أخيرة ؟

أنصح نفسي و أنصحكم بإستغلال هذا الشهر الفضيل في كل ما فيه خير , شهر ما يتكرر في السنه إلا مره , شهر أوله رحمه و وسطه مغفره و أخره عتق من النار , إستغلوه خير إستغلال والله يتقبل منا ومنكم الصيام والقيام ضيف المجلس الرمضاني 5 ( S.RAMOS 4 ) Smilie47
شكرا على الإستضافة الجميلة وكل عام و أنتم بخير جميعا و الشهر عليكم مبارك ضيف المجلس الرمضاني 5 ( S.RAMOS 4 ) Smilie47

[/center][/center][/center]