انهارده حنعمل مع بعض مقرمشات بتتباع فى الفرن وكلنا بنحبها والاولاد كمان
بندأ بسم الله
2كوب دقيق
2ملعقه سمن
1ملعقه زيت
1ملعقه سكرصغيره
نصف ملعقه ملح صغيره
ملعقه صلصه
رشه بيكنج بودر صغيره جدا
رشه كركم ممكن الاستغناء عنها
ماء للعجن حوالى نصف كوب
حبه البركه و جبن رومى مبشوره للتزين
2ملعقه سمن
1ملعقه زيت
1ملعقه سكرصغيره
نصف ملعقه ملح صغيره
ملعقه صلصه
رشه بيكنج بودر صغيره جدا
رشه كركم ممكن الاستغناء عنها
ماء للعجن حوالى نصف كوب
حبه البركه و جبن رومى مبشوره للتزين
الطريقه
نخلط الدقيق والسكر والملح والكركم والبيكنج بودر مع بعض
نضيف السمن والصلصه والزيت ونفرك كويس كله مع بعض
ونضيف الميه شويه شويه لحد ما تكون عجينه سهله التشكيل ممكن مش ناخد الميه كلها خلى بالك وانتى بتحطى الميه ولو احتاجت اكتر من نصف كوب انتى ونظرك وده شكلها
نسيب العجينه ترتاح 10 دقائق
نقسمها بالشكل ده
ناخد كل كوره ونفردها دايره
ونقطعها كده
نحطها فى الصنيه وندهن وشها ميه وقليل من الملح ممكن تدهنى الوش بيض ولبن زى اى معجنات انتى وراحتك انا بحبها بالميه ونرش عليها حبه البركه او الجبنه
انا عملت شويه بحبه البركه
والباقى بالجبنه الرومى
وتدخل الفرن على نار متوسطه وتابعيها كل شويه علشان مش بتغيب فى الفرن وبتستوى بسرعه
وده شكلها بعد ما طلعت
المقدار عمل الكميه دى
يارب يعجبكم وتجربوه