••معجناتي~~ أنواع وأشكال~~المرحلة الثالثة••




اهلا وسهلا بالعسولات~~

اليوم حبيت اجمعلكم اشكال منوعة من المعجنات~~
وهي كالتالي:

تارت خضار بالدجاج بعجينة الشورت كرست~~

فطائر الشواية بحشوة التونة~~

فطائر مشكلة بالـــ الزعتر والجبنة ولمرتديلا والحلاوة الطحينية~~~واصابع القرفة

نبتدي بالطبق الاول

تارت الخضار..

العجينة :
المقادير:
230 جم دقيق
140جم زبدة
صفار بيضتين"

الطريقة:
1. حطي الدقيق على السطح اللي هتشتغلي عليه واعمليه على شكل دائرة واعملي حفرة في المنتصف وحطي الزبدة في الحفرة واخلطيهامنيح مع الدقيق

2. افركي الدقيق بالزبدة لحد مايبقى خشن

ضيفي صفار البيض

اعجنيها وحطيها بالبراد لترتاح...رح تكون متل عجينة الباي يعني قاسية

تفرد العجينة وتعطع بحجم قالب التارت...

تجهز الحشوة وبتقدري تختاري اي نوع بتحبيه
انا حشوتي المفضلة هي دجاج مع خضار مشكلة,,,
باضافة البهار والفلفل

وهذه الصور توضح



تدخل الفرن الى ان تنشف ولونها يصير حلو رح تاخد مدة ربع ساعة,,
حطي جبنة موزريلا وحمريها,,

رح تطلع فطيرة بتجنننن طعمها كتير لذيذ













النوع الثاني~~فطائر الشواية~~

هي نوع كتير حلو وسريع والشواية المستعملة هي شواية التوستر...

اما العجينة فهي معتمدة عندي من زمان ورح تشوفوا كيف شكلها هشة وطرية مقاديرها موجودة على هذا الرابط...

✿معجنات +حلويات✿ سهلة التحضير

{هل المرة استبدلت الماء باللبن السائل+قليل من الزبادي...}
ملاحظة:هي العجينة نفسها مع كل الاشكال يلي رح اطرحها بهذا الموضوع




بعد التخمير نرق العجينة..ونقطعها حسب الشكل يلي بتحبيه انا اخترت القلوب

بعدها تكوني محضرة الشواية وحامية تحطي داخلها القلوب رح تاخد دقيقتين وهي مستوية...
تفتحيها وتحشيها بالحشوة المفضلة
انا حطيت تونة مقلاية مع بصل وفليفلة وبهارات

















النوع الثالث: فطيرة الوردة

الحشوة : جبنة موزريلا+جبنة بلدية او عكاوية
بقدونس وحبة بركة

الطريقة ناخد دائرة من العجينة نحط جواها الحشوة ونسكرها بعدها نفردها بالنشابة شوي شوي

نقطع الاطراف على شكل وردة دون الوصول للمنتصف
نبرم كل ورقة برمة
الصورة توضح اكتر



تدهن بالحليب..وتدخل الفرن












النوع الرابع,, معجنات شيش

طبعا هي سهلة كتير وحلوة خصوصي وقت الحفلات~~
الحشوة : حلاوة طيحنية وايضا عملت نوع بالمرتيدلا والبقدونس

الطريقة تاخدة كورة عجين حطي بداخلها حشوة وسكريها وغزيها بعود خشب....رشي السمسم عليها
ودخليها الفرن








النوع الخامس~~

فطائر الورد الجوري~~

هي الطريقة كتير حلوة وملفتة للنظر لانو مافي حدا مابيحب الورد الجوري

الطريقة قطعي العجينة بعد فردها دوائر~~

صفيهم ورى بعض..وضغطي بالمنتصف مشان يلتصقوا مع بعض...حطي الحشوة ولفيها بعدين اقطعيها بالنصف رح تطلع عندك وردتين بيجننوا










النوع الخامس~~ فطيرة البئجة

شكلها حلو ومهضوم وحبيت اعملها,,

خدي كورة عجين حطي جواها الحشوة يلي بتحبيها انا حطيت حلاوة طحينية...سكريها
بعدين اعملي اصبعين عجينة ولفيهم على بعض..والزقيهم بالكورة السابقة







وهون جواها بعد ماذابت فيها الحلاوة






النوع السادس~~ حلقات الزعتر

شكلها بيدوخ خخخخخخخ حبيته وقلت لازم اجربه وخصوصي انو سهل

طريقتها نفس السينابون ..ترق العجينة وتدهن الحشوة يلي كانت عندي زعترمع ازيت الزيتون
بعدها تفل وتقطع حلقات لكن لانكمل الى اخرها يعني نخليها متلااصقة مع بعض..
بخلي حلقة يمين وحلقة شمال



تدهن بالحليب وتدخل الفرن











وهلق الشكل السابع والاخير~~اصابع القرفة

طبعا هي تصلح للحلى مع القهوة

ناخد العجينة نفردها وندهنها بالجبنة السائلة ونرشها بالقرفة~~

نطويها نصين...ونقطعها اصابع ونبرمها



ندخلها الفرن..وبعدها نرش عليها صوص الكراميل






وهلق صور جماعية للمعجنات ههههههههه







وهيك خلصت موضوعي..ان شالله يكون عجبكم~~

واي شي مو واضح اسالوا وانا جاهزة[img]images/smilies/vertag[1].gif[/img]

تحياتي الكم ياامورات

مواضيعك سهل على القلوب هضمها

و على الأرواح تشربها

تألفها المشاعر بسهولة

و يستسيغها وجداننا كالشهد

كذاك كان ردكـ اخـــــــي وصديقي

لك خالص احترامي