الرئيسية
موضوع: من ام براء مكرونة بالجمبرى والكريمة 
حبايبى واخواتى الطيبين
بحبكم قووووووى فى الله
انا صورت الموضوع ده بكاميره الموبيل ويعتذر عن صعف الصور
بس عشان فى اخت كانت عايزة طريقتى فى المكرونه بالجميرى
وانا مقدرش اتاخر عنكم ابدا
وانا بقدر كل اخت بترد عليه وتقدرنى بردها الجميل واعذرونى لو اتاخر على اى حد فيكم فى الرد
بس ولادى واخدين كل وقتى والله يادوب بنزل الموضوع بس بقرا كل الردود وبفرح بيها جدا
وبحس فعلا انى عملت حاجة تسعدكم
المقادير
اولا مقادير المكرونه
كيس مكرونه فيونكات او الفراشه
للكريمة كوب لبن رايب - معلقتين دقيق - معلقتين زبدة
زعتر وملح وفلفل
ثانيا مقادير الجمبرى
نص كيلو جمبرى حجم وسط او جمبو متنظف ومنزوع سلسله الظهر الرمليه
ومدعوك بليمونه
فلفل الوان
فلفل احمر مطحون وثوم مقطع او مفروم
ملح فلفل زعتر بابريكا كمون
الطريقة
اولا بنسلق المكرونه فى ماء مغلى ومعلقه صغير ملح ومعلقتين زيت
الكريمة كانك بتعملى باشميل بظبط بس خفيف
بندوب الدقيق فى الزبده
يادوب تحور الدقيق فى الزبدة
ننزل بكوب الرايب وبيدى طعم مميز قوى عن الحليب العادى وبيفرق طبعا عن طعم الباشميل
ونتبلها بملح وفلفل وزعتر
وتقلبين بالمضرب
عشان يتجانسو وتبقى زى الكريمة
ونضيف له المكرونه ونخلطهم ببعض ودقيقه ونقفل النار
نسخن الطاسه جيدا ونضيف زيت زيتون ودقيقه ونضيف الجمبرى والثوم والفلفل الاحمر المطحون
ثم نضيف معلقه صويا حلوة والبهارات
ونقلبهم لمده تلات دقايق لخمس بيكون استوى
وفى اخر دقيق فى السوى بنضيف الفلفل الالوان
وبالهنا والشفا
متنسونيش من صالح دعائكم
ومتسنيه ردودكم الحلوة
والتقييم سايبه عليكم
