ازيكم يا احلى فتوكات
طبعا انا كتبت فى القسم هنا لان الوصفات دى بتاعة حبيبتى
منال العالم

اولا الشوكولا المنزلية
غاااااااااااية فى الروعة والرقة والشياكة
يالا ندخل على المقادير

اولا الادوات
صينية سيلكون على شكل وردات او قلوب او اى شكل تحبوة وفرشاة سيلكون بردة

المقادير

2 باكيت شوكولا اى نوع تحبوة باللبن بالمكسرات
هى استخدمت شوكولا خام وانا استخدمت شوكولا 70 فى المية كاكاو

الحشو
نص كوب شعرية باكستانية
بصراحة كسلت انزل ادور استخدمت شعرية عادية هههههههههههه

نص كوب لبن مكثف ومحلى

معلقتين زبدة

معلقة فانيليا سائلة
وهى استخدمت حبهان مطحون ولكن ممكن اى اضافة تحبوها

الطريقة
هندوب الشوكولا على حمام مائى

وبعدين بالفرشة ندهن القالب كلة من الجنا كمان نغطيها
ندخلها الفريزر خمسة كدة لحد ما تتماسك

فى الوقت دة نحضر الحشو
هنحمر الشعرية فى الزبدة بعدين نضيف اللبن والفانيليا

بعد ما تبرد هنحشى القالب

وبعدين نصب فوقة بقية الشوكولا

وندخلها الفريزر لحد ما تتماسك وبس خلاااااااااااااااااص
وادى الشكل النهائى

وهنا كنت رايحة لصاحبتى وبتحب الشوكولا عملتها زى كادو واخدتها معايا


ملحوظة هااااااااااااااااااامة
ممكن استبدال الحشو باى شئ تحبوة

انا المرة الجاية ان شاء الله هعمل حشوة كانت عملتها قبل كدة وعجبتنى فى وصفة من الوصفات
عبارة عن اى نوع مكسرات نحمصة فى الطاسة يادوب بس ثوانى ونضيف علية السكر
لحد ما يبقى كراميل

نصبة على ورق سيلكون او زبدة لحد اما ينشف وبعدين ندقة ونستخدمة
وممكن تشبيلوة لوقت الحاجة فى التلاجة عادى


الكب كيك بقى دة تحفففففففففففة بجد هش وطرى ولذيييييييييييييذ
كانت عاملة بية تورتة ملعب كرة القدم بس انا استخدمتة كب كيك عادى
ولكن اهم شئ الالتزام بالمعايير الجاهزة
الكوبايات والمعالق الجاهزة بتاعة المعايير بصراحة رووووووووووووعة وبتطلع الحاجة وااااااااااااااو

المقادير
2 ونص كوب دقيق
2 ونص معلقة صغيرة بيكنج بودر
1\4 معلقة ملح
2\3 كوب زبدة لينة
1 وتلت ارباع كوب سكر
2 بيضة
1 معلقة صغيرة فانيليا
1 وربع كوب لبن

الطريقة
هننخل الدقيق مع البيكنج بودر مع الملح مرتين

هنخفق السكر مع الزبدة اللينة وبكرر اللينة
وبعد شوية نضيف البيض
والفانيليا ونضرب

ونضيف بعد كدة الدقيق المنخول
ونضرب على البطئ

ثم نضيف اللبن وبس كدة

ونصبة فى قالب الكب كيك وندخلة الفرن على 180

انا هنا رشيت على تلاتة لوز والتانيين كاكاو نسكويك

وكالعادة طلبى منكم بس
الدعاء بتيسير الحال
وان يرزقنى الله برؤية والداى عاجلا غير اجلا
ان شاااااااااااااء الله

دودو ام زينة