موضوع: ضيف المجلس الرمضاني 5 ( S.RAMOS 4 ) السبت 27 أكتوبر 2012, 23:10
[center]بسم الله الرحمن الرحيم العضو الخامس اللي معنا الأخ محمد
S.RAMOS 4
[center] [center]
- ممكن تقدم نفسك ونتعرف عليك أكثر ؟
محمد من المملكة العربية السعودية 21 سنة و بعد كم يوم إن شاء الله نوصل 22 طالب في جامعة الملك سعود كلية إدارة الأعمال . - قبل رمضان هل يكون لك شعور خاص ، أو استعداد خاص ؟ صراحة الشعور ما يبدأ إلا إن رحت شخصيا أجيب أغراض رمضان و شفت الزحمه الفاحشة للمؤونه , بشكل عام رمضان ما يبدأ عندي إلا من ذيك اللحظه , ما عندي إستعداد خاص لكن نفسيا الواحد فعلا يحس براحه نفسيه إن عرف إن رمضان إقترب , أجمل شهور السنة صراحه . -هل ذقت طعم الصيام في غير بلدك ؟ في الصيف مب الماضي الي قبله , درست لغة في كندا فانكوفر , الصيام خارج ديرتك غير إنه مرهق عشان وقت الصيام الطويل فهو متعب إنك تجلس برمضان وما تقدر تصلي إلا لحالك بسبب عدم توفر مساجد حول الشقة وقتها , يعني ما تحس إنك بجو إيماني وما تحس إنك تصوم فعلا , بس تصوم عن الأكل والشرب وخلاص يعني عكس الأجواء الإيمانية الي نعيشها ولله الحمد هنا . - موقف طريف أو محرج حدث لك في رمضان ؟ والله ما فيه موقف يحضرني صراحه . - أكلتك المفضله في رمضان ؟ السفرة الرمضانية بشكل عام ما تخلو من الأشياء الجميله ولله الحمد ولكني أفضّل السمبوسة
- كيف تقضي يومك في رمضان ؟ ( برنامجك اليومي في رمضان ) ؟ يختلف من يوم ليوم , رمضان هذا مختلف بالنسبه لي عن الرمضانات الماضية لأني دفّيت هالصيف دراسة , حتى الأن ما حسيت صراحه إن عندي برنامج يومي لأني لهيت بإختبارات ودراسة لكن إن شاء الله نضبّط برنامج يومي في الأيام المقبلة و بصراحه حتى الأن ما فكرت كيف بنقضي اليوم في هالشهر . - ماذا تتمنى في هذا الشهر ؟ أن تقبل دعوات جميع المسلمين و أن يتقبل صيامهم و قيامهم و أن يفرّج همومهم و أن ينصر إخواننا المستضعفين في كل مكان وأن ينصر إخواننا في سوريا على عدوهم وعدونا - نأتي بالفطور / ماهي سفرتكم في الفطور عامة ؟ والله يا طويل العمر فطورنا ممكن يكون مختلف شوي , فيه ناس يأكلون كل شي مره وحده مثلا , لكن نظامنا مختلف تماما .. نفطر تمر وقهوه و تاوه ولا قيمات و عقب التراويح إن شاء الله نتعشى العشاء الصدزي -أنت من جمهور الفيمتو وإلا التانج ؟ نظامي نظام شياب لأني لا أشرب ذا ولا ذا , بس بالنسبة لي أتقبّل الفيمتو أكبر من التانج . - اول رمضان صمته كم كان عمرك ؟ والله ما أذكر بالضبط لكن مثلي مثل أي شخص , بالبدايه جت رمضانات أصوم أيام بسيطه فيها لين تعودت وصرت أصوم كل الأيام , عاد تخبرون هياط أول بالإبتدائية , أنا رمضان الماضي فطرت خمس أيام ومن هالهياط لين عقلنا لكن السنة بالضبط صراحه ما أتذكرها . - نأتي للسحور / تكلم لنا عن سحوركم باختصار ؟ من يوم إني بزر بالنسبة لي السحور عندي كم تميره و لبن يعني ما أحب أكثّر أكل في السحور , هالسنه نفس الشي كم تمره ولبن والحمد لله والشكر - هل سبق وأخذت عمرة في رمضان ؟ وماهو شعورك ؟ إيه ولله الحمد مره وحده , العمره في رمضان جميله جدا خصوصا مع الصيام , ما تحس بالتعب كل الي تحس فيه هي الأجواء الروحانيه والإيمانية , الحمد لله أخذت حوالي خمس أو ست عمرات لكن عمرة رمضان كانت الأفضل بالنسبة لي . - / كلمة أخيرة ؟ أنصح نفسي و أنصحكم بإستغلال هذا الشهر الفضيل في كل ما فيه خير , شهر ما يتكرر في السنه إلا مره , شهر أوله رحمه و وسطه مغفره و أخره عتق من النار , إستغلوه خير إستغلال والله يتقبل منا ومنكم الصيام والقيام شكرا على الإستضافة الجميلة وكل عام و أنتم بخير جميعا و الشهر عليكم مبارك