[center] السلام عليكازيكم يا احلى فتوكات
جبتلكم بقى النهارده الطعميه على اصولها من مطبخى
يارب تعجبكم
نبدأ بسم الله
المقادير
كيلو فول منقوع على الاقل 8 ساعات
حزمتين كزبره
حزمتين كرات
كزبره ناشفه مطحونه
كمون
ملح
فى ملاحظه مهمه قوى عايزه اقولها
فى ناس بتحط شبت وبصل وتوم دول اساسا مش بيبقى فى الطعميه
دى اضافات ممكن تضيفيها لكن وصفة ا لطعميه زى ما قولتها فوق كده
الشبت بيخلى لون الطعميه غامق بعد التحمير فياريت بلاش الشبت فى الطعميه
والبصل طالما انتى حطيتى كرات بلاش بصل
تحطى بصل لما تكونى هتعمليها بالكزبره بي
يللا بينا نشوف الصور والطريقه
قطعنا الكرات والكزبره
ناخد شوية فول مع شوية كرات وكزبره ونفرمهم كويس فى الكبه
ونكرر لحد ما نخلص الكميه كلها
خلصنا الكميه كلها لازم نعجنها كويس بايدينا
وبعدين نحط الكزبره الناشفه والكمون
الطعميه اللى بيديها طعمها الحلو كمية الكزبره الماشفه فيها
والكمون فايدته انه بيمنع التقلصات والانتفاخ عشان دى كلها فول واحنا عارفين الفول بيعمل ايه
كمان مفيد للى عندهم القولون
ونخلطهم كويس
تابعونى لسه هكمل
[/center]