كل سنة وانتو طيبين يا احلى اخوات فى الدنيا
بحبكم فى الله قوووووووووى
الاكله دى خفيفه وبسيطة وهيه تتشبه العجة فى الشكل بس مكوناتها مختلفه
وتنفع للعشا وللفطار
وممكن كمان للغدا تكون حاجة خفيفه ومغذيه قوى لان فى انواع خضار كتتير
وهيه اكله ايطاليه
المكونات مع شرح الصور
بصل مفروم نشوحه لحد ما يبقى لونه دهبى
ثم نضيف بطاطس مكعبات تتشوح لحد ما تبدا تتطرى
نضيف جزر مفروم ونقلبهم كتير كويس
ونضيف نص كوب مياه ونسيبهم تستوى
بعد ما الخلطة تستوى نضيف فلفل اخضر مكعبات صغيره واقلبهم واطفى النار
نخلط كوب حليب مع اربع بيضات وكوب جبنه شيدر مبشور وزعتر ةملح وفلفل
ثم نضيف بقدونس وشبت وطماطم ونخلطهم جميعا
ثم نضيفه للخليط الاول ونخلطهم جميعا
وندخله فرن ساخن على درجة حرارة 200
وتقريبا ربع ساعه او تلت ساعه بيكون استوى
وحسب فرنك
وبالهنا والشفا بجد جربوها لذيذذذذذذذذذذذذذذذه
متتنسونيش من دعااااءكم
ومستنيه ردرودكم الحلوة وتقيماتكم ومتحرمش منكم يارب