[center]
[size=21]
مسااااااااا الخير عليكوا يا فتوكات
انا اول مره اكتب فى اقسام الطبخ عموما
فياريت متكسفونيش وتحرجونى
انا عملت طبقين سلطه النهارده واول مره اجرب كمااان
لانى مليش فى الاكل نهااائى
المهم .
اول طبق هو سلطه البطاطس بالمايونيز
وده خدته من طريقه فتوكه هنااا
المكونات
بطاطستين مسلوقين
ملح
جزر
بصل
شبت
مايونيز
ليمون
الطريقه
جبت البطاطس سلقتها وبعدين سبتها تبرد
وقشرتها وقطعتها قطع مربعه وبعدين جبت البصل وقطعته قطع صغيره خالص
وروحت بشرت نص جزاريه وقطعت شبت
وحطيتهم كلهم على بعض وحطيت 3 معالق مايونيز او 4
وبعدين رشيت حبه ملح وشويه لمون
وقلبتهم فى بعض
وبالهناااا والشفا
وده صورته لما عملته
معلش الصور مش واضحه لان موبايلى عاوز يترمى
نجى لتاااااانى طبق
وده كان انقاذ موقف
اصل اختكم كانت فكره ان البطاطس لما بتتسلق
بتتقشر الاول وتتقطع وبعدين اسلقها
وطبعا كنت خلاص قطعتها وجيت سالت قالولى هتتهرى
فقولت حرررام ارميها يعنى
فقومت اخترعت حاجه كده
بصو ا بقى
قليت البطاطس وهى مكعبات وبعدين
جبت عيش نص رغيف وروحت قطعته وحمرته
وحطيت على البطاطس وجبت نفس المكونات الى فوق
ما عادا البصل طبعا
وبقى شكلها كده
ومعلش الصوره مش واضحه هنااا
بس اهو احسن من مفيش
بصراحه مكنتش متوقعه انها هتعجب الى عندى فى البيت
وعجبتهم اوووى
وده شجعنى انى احب المطبخ
لو عجبتك سلطاتى
ردى وقيمى عشان احبك يا فتوكه
ولو مقيمتيش بردو بحبك
[/size]