السلام عليكم ورحمة الله وبركاتة

كل يوم وصفة وكل يوم طبق
هقدمة ليكم عشان خاطر عيونكم
للفتوكات المحتاسة فى العزومة

هنا هقدملكم اطباق لحمة واطباق فراخ
كل يوم وصفة

الموضوع متجدد وهتلاقوا هنا ارقام الوصفات فى الصفح
ان شاء الله
ومش عايزة بجد غير دعوة حلوووووة
عايزين تدعولى ان ربنا يرزقنى الفردوس الاعلى ادعولى

النهردة هكتبلكم صنف فى اطباق الفراخ

نبتدى بسم الله الرحمن الرحيم

دجاج بالخضار فى الفرن


فرخة مغسولة بالماء والدقيق والملح كويس
3 حبات بطاطس
حبات بصل
3حبات فلفل رومى
ملح ..فلفل اسود ناعم..كمون ..بهارات فراخ
كزبرة ناشفة
زيت
.....
الطريقة
قطعى البطاطس والفلفل الرومى والبصل حلقات متوسطة
اخلطى الملح والفلفل والكمون والبهارات والكزبرة مع بعض
وحطيهم ع الفرخة وقلبيهم مع بعض كويس

هاتى صينية وادهنيها زيت
وحطى نص الخضار وبعدين علية اجزاء الفراخ وبعدين باقى الخضار
ووضبى الخليط كدا بايدك

وغطى الصينية بورق فويل ودخليها الفرن ساعة او ازيد
على حسب ماتستوى

وبالهنا والشفا على قلبك

البيكاتا بالمشروم
..................
شرائح بفتيك بتلو (العدد زى مانتى عايزة)
ملح_فلفل_عصير لمونة_ملعقة زبدة كبيرة
علبة مشروم صغيرة مقطعة قطع صغيرة
2علبة كريمة لبانى الحجم الصغير
3 بصلات كبار مقطعين صغير

الطريقة
يتبل البفتيك بالملح والفلفل وعصير اللمون
نضع الزبدة عالنار الى ان تسيح
نضع اللحمة ونشوحها عالجمبين
ونشيلها من الصينية فى طبق وبعدين نحط البصل
مكان اللحمة اللى شوحتها لحد ما البصل يطرى

وبعدين حطى المشروم مع البصل ونشوحهم لحد ما المشروم يدبل
وبعدين نحط الكريمة اللبانى على البصل والمشروم
لحد ماتغلى وتتخن

خلى بالك كل دا بياخد ثوانى عشان الكريمة اللبانى
مش بتقعد كتير عالنار

وبعدين تجيبى البفتيك ويادوب تلفى منة لفة فى الكريمة وتشيليها
وتلاحظى انها عليها كريمة من الوشين

وبالهنا والشفا


شجعونى عشان اكتب وصفات بقى

وفين التقييم؟؟؟
هتخرجى من غيرة؟؟؟؟؟




طريقة عمل الشيش طاووق
# 12