طريقة عمل اوراك الرومي
المقادير :اوراك ديوك رومى حسب الحاجه
بصله كبيره /3فصوص توم /توابل وملح وبهارات زى ما تحبى (فلفل -بهارات -كارى -زعتر -حبهان -قرنفل والتوابل اللى تفضليها )/2م كبيره صوص صويا /2م كبيره خل /م كبيره صلصة /م كبيره زبادى
الطريقة :هنغسل الوراك كويس قوى بالميه والخل ونعمل فيها شقوق بالسكينه زى كده
هنخلط كل المقادير مع بعض فى الخلاط بنقطة ميه صغيره عشان الخلاط يلف
هنتبل الورك كويس كله ونحشى كمان الشقوق اللى عملناها فيه بالخلطه دى
هنحطها فى التلاجه من باليل للصبح
هنحطها فى صينيه مفروشه بورق فويل ونغطيها بالفويل كويس وندخلها الفرن على نار متوسطه على اول رف
ونقفلها بالشكل دة
نسيبها لما تنزل ميتها وتشربها ونشوف لو احتاجت ميه نزودها شويه شويه لحد ما تستوى
وممكن قبل ما تدخل فى السوا تقطعى الخضار اللى تحبيه وتحطيه فيها وتقفلى عليها تانى الخضار يستوى معاها وبيبقى طعمه تحفة
ودى صورتها بعد ما استوت
بعد ما تستوى نفتح ورق الفويل ونسيبها فى الفرن لحد ما تنشف ميتها خالص وتحمر وممكن تفتحى الشوايه شويه عشان تتحمر
وبلهنا والشفاه
حدخل بقة ع الخطوة الاخيرة نظام الشحاتة بتاع التقيمات
علي الاقل تقدير لنزول الصور حتي
حدخل بقة ع الخطوة الاخيرة نظام الشحاتة بتاع التقيمات
علي الاقل تقدير لنزول الصور حتي