اللهم صل وسلم وزد وبارك علي سيدنا محمد وعلي آله وصحبه وسلم
ساعات كتير بنكون مكسلين نشوي علي الشواية او مش عندنا شواية اصلا
دي طريقة الشوي من غير شواية يارب تعجبكم
نصف كيلو لحمة شرائح رفيعه كشرائح البفتيك من غير ما ندقها
مياة بصل للتتبيل
عصير طماطم للتتبيل
ملح وفلفل اسود ونصف ملعقة سكر علشان اللحمة تستوي بسرعه
بابريكا و ملعقة خل
نتبل اللحمة قبل ما نعملها بيوم أو علي الاقل قبلها بساعتين
نجيب الصينية البني اللي موجودة في الفرن نسخنها جدا
ونفرد فيها شرائح اللحم مع بصلة متقطعه
نسيبها لغاية ما تحمر من تحت ونقلبها
بعد ما قلبناها نحط طرنشات طماطم وفلفل اخضر
لما تحمر من الناحيتين نرص اللحمة فوق بعضها علي شكل دائرة وفوقها الفلفل والطماطم
نحط ورقة فويل في النص
نحط نقطتين زيت في الفويل وفوقها الفحم اللي ولعناه علي عين البوتجاز
نقفل عليها الفرن ونسيبها
ونقدمها بالهنا والشفا
سلطة الطحينة
3ملاعق طحينة
عصير ليمونة
ملعقةخل
ملح وكمون
4 ملاعق لبن حليب
نقلب عصير الليمونة مع الطحينة
نقلبها لغاية ما تكون سميكة نحط الخل والتوابل
نزود اللبن ونقلب
بالشكل ده
الأرز المعمر
3 كوب ارز
لبن
ملح وفلفل ابيض او اسمر
3 ملاعق قشطة +ملعقة زيت
نغسل الأرز
نضيف عليه القشطة والزيت
ونقلبهم كويس لغاية ما الأرز يتشربهم
نزود اللبن والملح والفلفل
نقلبهم كويس و ندخله الفرن
نطلعه من الفرن نقدمه بالهنا والشفا
لأول رد وأول تقييم
استودعكم الله الذي لا تضيع ودائعه ابدا
اللهم صل وسلم وزد وبارك علي سيدنا محمد وعلي آله وصحبه وسلم