النهاردة جيبالكم معايا اكلة
شوربة البورى
سمك بورى-طماطماية -بصلة كبيرة او 2-3 صغيرين
زيت وملح وفلفل ومستكة وحبهان وورق لورى
ننضف السمك ونغسله كويس ونرشه ملح ونسيبه ساعة
نحط الحلة ع النار وفيها يادوب معلقة زيت
نغسل البصلة ونقسمها اربعة
تقليبة واحدة فى الزيت
ونحطلها كوباية مية
نبشر الطماطماية ونحطها على المية والبصل
لما يغلو نحط المستكة والحبهان والفلفل وورق اللورى
بعد خمس دقايق نزود المية وبعد غلوتين نغسل السمك ونحطه وكالعادة نسيب الغطا موارب عشان ريحة الزفارة
واول ماالسمك يغلى نهدى النار عشان السمك مايتهريش
بعد حوالى 10 دقايق نظبط ملحه ونطفى النار لانه مش بياخد سوا كتير
البصل بياخد سوا اكتر منه عشان كدة بنسوى البصل شوية فى الاول
تنشلى السمك بحرص شديد
ودوقى احلى واطعم شوربة سمك
وطعم السمك بيبقة روعة
خفيف وسهل الهضم
بألف هنا ياقمرات
يارب اكلة النهاردة تكون عجبتكم