الرئيسية
موضوع: سمك سردين صينية ومقلى بالصور 
السلام عليكم ورحمة الله وبركاته
انا كان عندى سردين بلدى كتير فامبارح عملته صينية ومقلى
وكمان باعمله مشوى ومملح زى الفسيخ
ودا من الاكلات الموفرة لان تمنه رخيص 8 جنية واحيانا 10 جنية
اولا المقلى
طبعا بيتغسل الاول وانضفع واعصر عليه ليمونة
وبعدين احضر الخلطة توم وفلفل اخضر واحمروملح وكمون وكسبرة ناشفة وعودين كسبرة وزعتر (اختيارى)
و بعدين اعصر عليه ليمونة كبيرة وحشيته وسيبته شوية فى التتبيلة
وبعدين حطيته فى الدقيق وقليته فى الزيت
وممكن لو عاوزاه زى اللى بره والدقيق ميتحرقش منك فى الزيت تحطى شوية مية على الدقيق وتخلطيهم كويس
وبعدين تحطيه فى العجينة دى وتقليه
صينية السردين
برضه بعد التنضيف
بشرت بصلة ودقيت راس توم وفلفل الوان حامى او رومى
وملح وكمون وزعتر وطماطماية وليمونة كبيرة معصورة على الخلطة وشوية خل
وبقدونس وكسبرة وشوية زيت
وبعدين تحشى السمك واللى يتبقى تحطيه فوقيه وتدخليه الفرن
وعملت معاه رز ابيض مفلفل
ورز بالبابريكا للولاد
هما بيحبوا الرز بالبصل دايما مع السمك
فانا زودت عليه البابريكا علشان يدى له لون
حمرت البصلة فى الزيت وياريت يكون اللى قليتى فيه السمك علشان منرميهوش
وبعدين فصين توم وفلفل الوان مدقوقين مع بعض وبشرت شوية جزر عليهم
ونزلت عليه بالملح والفلفل والكمون والفلفل البابريكا وحطيت الرز وشوحته شوية
وزودت المية واول ما يغلى هديت عليه النار
لحد ما استوى وعجبهم قوى المرة دى
وكان عندى سمكة بورى يتيمة شويتها معاهم
ودا مفيهوش شغل خالص
فيتحط فى الردة ويتشوى وبعدين نرش عليه ملح وكمون واعصر ليمونة بس
على فكرة احنا خمس افراد والاكل ده كفانا يومين والحمدلله
والسردين المشوى نفس الطريقة عملته قبل كده بس ما صورتوش
والمرة الجاية هانزل لكم السردين المملح فى قسم المقبلات ان شاء الله
هو سهل وسريع
وبكده نكون عملنا من حاجة واحدة اربع اصناف
انا كان عندى سردين بلدى كتير فامبارح عملته صينية ومقلى
وكمان باعمله مشوى ومملح زى الفسيخ
ودا من الاكلات الموفرة لان تمنه رخيص 8 جنية واحيانا 10 جنية
اولا المقلى
طبعا بيتغسل الاول وانضفع واعصر عليه ليمونة
وبعدين احضر الخلطة توم وفلفل اخضر واحمروملح وكمون وكسبرة ناشفة وعودين كسبرة وزعتر (اختيارى)
و بعدين اعصر عليه ليمونة كبيرة وحشيته وسيبته شوية فى التتبيلة
وبعدين حطيته فى الدقيق وقليته فى الزيت
وممكن لو عاوزاه زى اللى بره والدقيق ميتحرقش منك فى الزيت تحطى شوية مية على الدقيق وتخلطيهم كويس
وبعدين تحطيه فى العجينة دى وتقليه
صينية السردين
برضه بعد التنضيف
بشرت بصلة ودقيت راس توم وفلفل الوان حامى او رومى
وملح وكمون وزعتر وطماطماية وليمونة كبيرة معصورة على الخلطة وشوية خل
وبقدونس وكسبرة وشوية زيت
وبعدين تحشى السمك واللى يتبقى تحطيه فوقيه وتدخليه الفرن
وعملت معاه رز ابيض مفلفل
ورز بالبابريكا للولاد
هما بيحبوا الرز بالبصل دايما مع السمك
فانا زودت عليه البابريكا علشان يدى له لون
حمرت البصلة فى الزيت وياريت يكون اللى قليتى فيه السمك علشان منرميهوش
وبعدين فصين توم وفلفل الوان مدقوقين مع بعض وبشرت شوية جزر عليهم
ونزلت عليه بالملح والفلفل والكمون والفلفل البابريكا وحطيت الرز وشوحته شوية
وزودت المية واول ما يغلى هديت عليه النار
لحد ما استوى وعجبهم قوى المرة دى
وكان عندى سمكة بورى يتيمة شويتها معاهم
ودا مفيهوش شغل خالص
فيتحط فى الردة ويتشوى وبعدين نرش عليه ملح وكمون واعصر ليمونة بس
على فكرة احنا خمس افراد والاكل ده كفانا يومين والحمدلله
والسردين المشوى نفس الطريقة عملته قبل كده بس ما صورتوش
والمرة الجاية هانزل لكم السردين المملح فى قسم المقبلات ان شاء الله
هو سهل وسريع
وبكده نكون عملنا من حاجة واحدة اربع اصناف
