[center]
[center] [size=16] [size=16]
هاقدملكم النهاردة مجموعة سلطات وصوصات بالخطوات المصورة
[size=25]
My Special Bar Salad
صورة من جوجل
لازم فى كل عزوماتك تكونى مجهزة مجموعة كبيرة من السلطات والمقبلات
لانها بتضفى على سفرتك رونق من الزوق بجانب الاطباق الرئيسية
ولازم تتناسق سلطاتك مع نوعية الاطباق المقدمة تابعيني فى وصفاتى
سلطة الباذنجان المخلل
بتنجان عروس مغسول ومقلى ومصفى جيدا على نشاف
الحشوة جزر و فلفل حار وفلفل رومى وبقدونس فصين ثوم فقط وملح وكمون وخل ولمون
هانضرب المكونات كلها فى الكبة ونضيف الملح والكمون والخل واللمون
ونبتدى نحشي البتنجان ونرصه فى علبة بغطاء
ودة شكله بعد ساعتين فى التلاجة
تكة الشطارة:
1-الثوم قليل جدااااا يعنى يا دوووب يدى ريحة وكدة ولا تخافى من وجع القولون ولا رائحة الفم
2-بعد رص الكمية كلها رشى عليها نص كوب خل هاياخد الزيت وينزل من البتنجان وهايكون خفييف جداا
3-لو الاكل بالشوكة وفى عزومة بقطع البتنجان حلقات واخلطة بالحشوة مباشرة لسهولة اكله
سلطة البطاطس بالمايونيز والحمص بالمايونيز
هاتسلقى الحمص فى ماية وملح
وهاتقطعى البطاطس مكعبات وتسلقيها فى ماية وملح
بقدونس متقطع رفيع ومايونيز وثوم بودر او ثوم ناعم وملح وكمون وكاتشب
وخل وزيت
هانخلط المايونيز مع الملح والكمون والخل والزيت والثوم البودر
ودة قوامه بعد التقليب
هانقسم الخليط على العلبيتين هانضيف البقدونس على البطاطس والكاتشاب على الحمص
تغطى وتترك فى الثلاجة ساعتين عشان تمتزج كويس بالطعم
[/size] [/size] [/size]