منتديات المجتمع وشؤون الأسرة المسلمة

اللهم صل وسلم وزد وبارك علي سيدنا محمد وعلي آله وصحبه وسلم
السمك البلطي بعد ما نغسله كويس اوي نتبله
بثوم وليمون
فلفل اخضر
كزبرة خضراء وبقدونس
كمون ورشة فلفل اسمر وبابريكا وملح وكزبرة ناشفة

ونتركه في التتبيلة نصف ساعة وبعدين نغطيه بالدقيق

نحط علي الدقيق رشة بسيطة ملح وفلفل

ونقليه في الزيت نحط في الزيت قشر الليمون علشان الريحة تمتص من الشقة وكمان ريحة السمك وطعمه بتكون جميلة

وبالهنا والشفا

السمك الروسي (الماكريل)
نتبله نفس التتبيلة ونفس الخطوات

وبالهنا والشفا

الجمبري
عملته مشوي علشان الكوليسترول والحمل
نغسل الجمبري كويس بالمياة والملح والخل نسيبه بقشره ونشيل كيس الرمل
بعدين نتبله بثوم مفروم وليمون وكزبرة ناشفة وخضراء
و رشة زعتر وخل وبابريكا وملعقة زيت زيتون
وملح ورشة فلفل اسمر وكمون

نتركه في التتبيلة علي الاقل ساعتين

نحطه في خلة خشب كل واحدة جمبري بطولها للأسف ماكانش عندي خله
ونشويه علي الجريل او في طاسة تيفال

مع شرائح البصل الأخضر والطماطم والفلفل الأخضر

وبالهنا والشفا

الأرز الاحمر تقليدي بدون جمبري لأن اولادي مش بيحبوا الجمبري
3 كوب أرز
1 ملاعق صلصة او عصير3حبات طماطم
ملعقة فلفل احمر مدقوق مع فصين توم
ملح وكمون وكزبرة ناشفة
ملعقتين زيت
بصلة مقطعه صغير
1 بصلة خضراء حلقات + حبة فلفل اخضر

في حلة ملعقتين زيت نضيف عليهم البصلة لغاية ما يصبح لونها اصفر بلاش تحمر اوي علشان الحرقان
نحط ملعقة الفلفل الاحمر لمدة دقيقة

ونضيف الارز ونقلبه لغاية ما يسخن نضيف الصلصة ونقلبها والتوابل
بعد كده نضيف المياة لغاية ما تغطيه (2 كوب ونصف مياة)
>>>>>>
لما يغلي نضيف البصل الأخضر والفلفل الأخضر
نهدي النار عليه لغاية ما يستوي

وبالهنا والشفا

اللهم صل وسلم وزد وبارك علي سيدنا محمد وعلي آله وصحبه وسلم
استودعكم الله الذي لا تضيع ودائعه ابدا