كل يوم نصحى على نفس السؤال
هنتغدا ايه النهاردة
بنتى لما تلاقينى محتارة تطلب منى الاكلة دى لانها بتموت فيها
اصلها نباتية ههههههههه
من غير رغى ...الاكلة اهى
ايه رايكم
كشرى و صلصة بدنجان
اكلة مفيدة وفيها بروتين وحديد وغير مكلفة ولذيذة وهتعجب ولادك كمان
الطريقة عشان الجداد فى المطبخ
هنجيب الرز والعدس الاصفر ونخلطه مع بعضه انا باحط كوبيتين رز على كوبيتين عدس
ونغسله كويس
نحط اربع كوبيات مية على النار واللى بيحبه طرى يزود شوية مية ونحط فلفل اسود وكمون وملح
ولما تغلى ننزل ب الرز والعدس ولما يتشرب نهدى النار ونقدحله الزيت ويكمل سوا زى الرز بالظبط
ندخل بقة على الصلصة
نقشر البدنجان ونقطعه ونرش عليه ملح علشان مايشربش زيت كتير
وبعد ربع ساعة نحمره تحمير خفيف او حسب الرغبة
نجيب 5او 6 فصوص توم كبار ونققطعهم او نفرمهم ونحمرهم فى معلقتين زيت
نضرب الطماطم فى الخلاط وننزل على التوم ونسيبها تتسبك مع معلقق كبيرة كمون ومعلقة صغيرة ملح
واعملى حسابك ان البدنجان شارب ملح يعنى ظبطى ملحك حسب الكمية
ننزل بالبدنجان ونزود شوية مية لحد ماتغطى البدنجان والفلفل ويغلو غلوة ونطفى عليه
انا كدة خلصت
ماتنسوش التقييم وبطلوا بخل
فى فتوكات كتير لسة سنة اولى مطبخ وممكن تستفيد بسبب تقييمك
اللهم صلى على سيدنا محمد