ازيكم يا فتوكات يا قمرات
النهارده جايبالكم طريقة ساندوتشات محشية بالسوسيس
للغداء او العشاء وجنبها مخلل او سلطة وبس
وهاتلاقوها سهلة وبسيطة جدا
اتعلمتها من فتافيت من كم سنة
وبقيت اعملها على طول وبحشوات مختلفة
وانتم عارفين انى بحب اعمل كل حاجة سهلة وسريعة
دى صورة الساندوتشات
ايه رايكم يا فتوكات......
ياللا نبدأ بسم الله
المكونات
الحشو:
سوسيس مقطع
بطاطس مقطعة مكعبات صغيرة
فلفل اخضر مقطع
فص ثوم مهروس
معلقتين زيت
ملح وفلفل
دهان العيش من جوه
معلقة مايونيز كبيرة
معلقتين ثلاثة كبار جبنة نستو اللى فى كوبايات
معلقة كاتشب
نقطتين خل
دهان العيش من بره
معلقتين زبدة سايحة وزيت
و
عيش فينو (الفرنساوى)
الطريقة
1- اجهز الحشوة وهى انى اشوح البطاطس كويس وبعدين احط فص الثوم واقلب
واضيف عليهم السوسيس ويتقلبوا كويس وآخر حاجة الفلفل الأخضر وملح وفلفل
واطفى النار
2- اجهز دهان العيش من جوه انى اقلب المايونيز والجبنة والكاتشب
ومعاهم نقطتين خل
3- اسيح معلقة زبدة مع معلقة زيت
4- اقسم الرغيف بالنصف واقطع الطرفين الصغيرين
عشان اقدر اوقفه فى الصينية وافضيه من النصف بس مش للآخر
5- ندهن العيش من جوه بالجبنة والمايونيز والكاتشب كويس من كل ناحية
6- نحط الحشوة فى العيش زى كده وندهن العيش من بره بالزبدة
وده عشان العيش يقرمش من بره
7- ارش شوية جبنة موزريلا او رومى او شيدر اللى تحبوه وممكن نستغنى عنها
8- بكون مسخنة الفرن على 200 درجة عالى من فوق وتحت
ويادوبك الجبنة تسيح واطلع الصينية مش عايزاه ينشف
وده شكله لما خرج فى لافرن ورصيته فى طبق
ودى كمان صورة
ويا ريت تجربوها بحشوة التونة بتبقى تحفة
ويا سلام لما نحلى بفروت سالاد باى فاكهة موجودة عندك فى البيت زى كده
وده اللينك بتاع الموضوع
http://www.shababdjelfa.net/f59-montadathreadp86141509
يا رب تكون الطريقة عجبتكم
وتكون سهلة ومش مكلفة
وما تنسونيش من دعواتكم الحلوة
استودعكم الله الذى لا تضيع ودائعه ابدا