السلام عليكم يا فتوكاتى
من فتره كانوا فى فتوكات كتير بيسألونى عن الكشرى وكنت بجاوبهم بالرد على رسائلهم
ومن كام يوم جاتلى رساله من الاخت الاميره البيضاء طلبت منى موضوع عن الكشرى بطريقتى واننى انزلهولها متصور
وانا وعدتها اننى هنزله اول الاسبوع والحمد لله وفيت بوعدى
وطبعا حابه اشكرها اووى على ثقتها فيا وكلامها الحلو وانها بالرغم من وجود طرق وموضوعات كتير للكشرى
الا انها حبت تشوفه وتجربه بطريقتى
ربنا يكرمها وان شاء الله يعجبها ويعجب جوزها
انا الحمد لله محدش بيدوق الكشرى عندى الا ويطلب الوصفه
لانه فعلا بيطلع روعه وطعمه ولا الجاهز واحلى كمان
طبعا الكشرى غلبه شويه وبيحتاج مكونات كتير
وحلل ومواعين اكتر هههههههه بس النتيجه هترضيكى وترضى اسرتك ان شاء الله
نصيحتى اى فتوكه وهى بتعمل الكشرى تغسل اى حاجه تتوسخ سواء حله او طبق او ل باول
وده طبعا المفروض انه بيتعمل مع كل حاجه مش الكشرى بس
نبدأ بسم الله
المقادير
طبعا المقادير هتختلف حسب عدد افراد اسرتك مع ان الكشرى ما شاء الله فيه بركه
ومهما قللت برده بيطلع كتير وبوزع منه على احبابى كمان لانهم بيستنوه
مقادير الكشرى نفسه
1 كوب ارز مصرى
2 كوب عدس
مكرونه مشكله ( اسباجتى ومكرونه مقصوصه حجم صغير )
1 كوب شعريه
ث وم وده هنحتاجه فى كذا مرحله ولازم يكون كتير وده الى بيميز الطعم عن غيره
خل وبرده هنحتاجه كتير
بصل مقطع سلايز للتقليه
زيت كتير لتحمير البصل وهنستخدمه مع باقى المكونات
حمص شام منقوع من قبلها بيوم وتانى يوم نسلقه كويس
هنحتاج للصلصه
طماطم معصوره
توم مفروم
معلقه صلصه للون
خل
ملح وفلفل وكمون
زيت من بتاع التقليه
هنحتاج للشطه
زيت من بتاع التقليه
كميه شطه حوالى نص كوب
خل
نص كوب مايه
للدقه
هنحتاج
3 ليمونات كبار
كوب مايه
توم مفروم
ملح وكمون
خل
زيت من بتاع التقليه بسيط
هقولكم شويه ملحوظات للحصول على طبق كشرى روعه
ا ولا البصل لازم يبقى كتير وانا بفضل يتقطع سلايز او جوانح لان شكله بيبقى احلى فى التقديم وكمان بيبقى كرسبى اكتر
تانيا التوم نكتره فى الصلصه والدقه لانه بيدى طعم روعه
ثالتا الزيت الى هنحمر فيه البصل لازم يبقى كتير ونحمر البصل مع التقليب كويس اووى ونشيله وهو لونه دهبى داكن
مش اسود لانه لو اتحرق هيبقى طعمه مر وهيبوظ الدنيا واول ما نطلعه نحطه على ورق مطبخ لامتصاص الزيت الزياده
وبكده هتيقى عندك تقليه كرسيبى وتجنن
رابعا باقى الزيت الى حمرنا بيه البصل هنستخدمه مع باقى المكونات وطبعا طعمه بيبقى مميز لانه اخد كل طعم البصل
واحنا بنعمل الشطه هنحمر الشطه مع الزيت وفى الوقت ده لو عندك اطفال ابعديهم لانها طبعا ممكن تشرقهم وافتحى الشفاط كويس
خامسا اختارى المكرونه نفس النوع علشان تاخد نفس الوقت فى التسويه
كمان بعد ما تتسلق اشطفيها كويس
وتكونى محضره زيت وتوم وتشوحييه وبعدين تنزلى بالمكرونه عليهم وبكده تضمنىان المكرونه طعمها روعه وكمان هتفضل مفلفله وعمرها ما هتلزق فى بعضها
سادسا المايه الى هنسلق فيها العدس هنستخدمها لتسويه الارز مع الشعريه وده طبعا هيدى للارز لون وطعم حلو اووى
لانها واخده كل طعم العدس
وطبعا لو نفذتوه الحاجات ده هتضمنوا طبق كشرى ناجح ان شاءالله
الطريقه
نبدأ بالصلصه
هنحط الزيت ( واتفقنا الناتج عن تحمير البصل ) يسخن
نزل عليه بالتوم المفروم يتحمر وبعدين نطفييه بالخل
وننزل بالطماطم والصلصه والملح والفلفل والكمون ونسيبهم لغايه ما يتسبك كويس وده صورتها
الدقه
هنحط الزيت ( واتفقنا الناتج عن تحمير البصل ) يسخن
ننزمل بالتوم الكتير بس مش هنحمره يدوبك يدبل بس
نزل عليهم بالمايه والخل والليمون والملح والكمون ونسيبهم يغلوا شويه المايه هتقل والتوم هيستوى وكده تبقى جاهزه
الشطه
هنحط الزيت ( واتفقنا الناتج عن تحمير البصل ) يسخن
ننزل عليه بكميه الشطه ونقلب كويس وبعدين ننزل بالخل والمايه ونسيبها تغلى غلوه وكده تكون جاهزه
وده صوره للشطه والدقه مع بعض
نبتدى نجهز التقليه
هنحط الزيت وننزل عليه بالبصل السلايز ونحمره كويس اووى مع التقليب باستمرار علشان يبقى كله لون واحد
واما يتقى لونه دهبى ننشله على ورق مطبخ وده الشكل بتاعه دهبى ومقرمش ومفيهوش اى زيت زياده خالص
الزيت الباقى من تحمير البصل نرفعه ونسيب فى الحله حوالى معلقتيين تلاته
نزل عليهم بمايه وملح وفلفل وبهارات وننزل بالعدس يتسلق كويس
والزيت الباقى نرفعه فى حاجه لاستخدام زى ما قولتلكم
نصفى العدس اما يستوى كويس ونعيم مايته لتسويه الارز مع الشعريه
نبتدى نجهز الارز مع الشعريه
هنحط الزيت المتفقين عليه ونزل بالشعريه تتحمر وبعدين ننزل بالرز وملح وفلفل وبهارات وخلى بالك الملح مش كتير علشان مايه العدس فيها ملح ونزود عليه شويه تقليه يستوى جواه
نزل عليه بمايه تسويه العدس ونسويه عادى
ونسلق المكرونه ونشوحها بالزيت والتوم زى ما فلتلكم
ونكون مجهزين حمص الشام المنقوع والمسلوق
وبس كده نكون جاهزين للتقديم
طبعا التقديم حسب الرغبه بس الشكل التقليدى للكشرى كويس
وهو اصلا مش بيحتاج تزويق مكوناته مزوقه طبيعيا هههههههه
انا بحط المكرونه الاول وبعدين الارز والعدس والتقليه والصلصه وفى الاخر حمص الشام
وبعمل الطبق هرمى شويه
وعند التقديم حطيب بوله فيها الدقه والشطه مع الطبق
وطبعا بتزودى اطباق لكل حاجه للى عاوز يزود براحته
زوووووووووووووووم
يا رب يكون عجبكم يا فتوكات وتجربوه بطريقتى وكان نفسى ادوقكم والله رووووووعه بس تخيلوه الطعم من الصور
ومتنسوش اتقييم زى كل مره وردودكم طبعا
سلام
من فتره كانوا فى فتوكات كتير بيسألونى عن الكشرى وكنت بجاوبهم بالرد على رسائلهم
ومن كام يوم جاتلى رساله من الاخت الاميره البيضاء طلبت منى موضوع عن الكشرى بطريقتى واننى انزلهولها متصور
وانا وعدتها اننى هنزله اول الاسبوع والحمد لله وفيت بوعدى
وطبعا حابه اشكرها اووى على ثقتها فيا وكلامها الحلو وانها بالرغم من وجود طرق وموضوعات كتير للكشرى
الا انها حبت تشوفه وتجربه بطريقتى
ربنا يكرمها وان شاء الله يعجبها ويعجب جوزها
انا الحمد لله محدش بيدوق الكشرى عندى الا ويطلب الوصفه
لانه فعلا بيطلع روعه وطعمه ولا الجاهز واحلى كمان
طبعا الكشرى غلبه شويه وبيحتاج مكونات كتير
وحلل ومواعين اكتر هههههههه بس النتيجه هترضيكى وترضى اسرتك ان شاء الله
نصيحتى اى فتوكه وهى بتعمل الكشرى تغسل اى حاجه تتوسخ سواء حله او طبق او ل باول
وده طبعا المفروض انه بيتعمل مع كل حاجه مش الكشرى بس
نبدأ بسم الله
المقادير
طبعا المقادير هتختلف حسب عدد افراد اسرتك مع ان الكشرى ما شاء الله فيه بركه
ومهما قللت برده بيطلع كتير وبوزع منه على احبابى كمان لانهم بيستنوه
مقادير الكشرى نفسه
1 كوب ارز مصرى
2 كوب عدس
مكرونه مشكله ( اسباجتى ومكرونه مقصوصه حجم صغير )
1 كوب شعريه
ث وم وده هنحتاجه فى كذا مرحله ولازم يكون كتير وده الى بيميز الطعم عن غيره
خل وبرده هنحتاجه كتير
بصل مقطع سلايز للتقليه
زيت كتير لتحمير البصل وهنستخدمه مع باقى المكونات
حمص شام منقوع من قبلها بيوم وتانى يوم نسلقه كويس
هنحتاج للصلصه
طماطم معصوره
توم مفروم
معلقه صلصه للون
خل
ملح وفلفل وكمون
زيت من بتاع التقليه
هنحتاج للشطه
زيت من بتاع التقليه
كميه شطه حوالى نص كوب
خل
نص كوب مايه
للدقه
هنحتاج
3 ليمونات كبار
كوب مايه
توم مفروم
ملح وكمون
خل
زيت من بتاع التقليه بسيط
هقولكم شويه ملحوظات للحصول على طبق كشرى روعه
ا ولا البصل لازم يبقى كتير وانا بفضل يتقطع سلايز او جوانح لان شكله بيبقى احلى فى التقديم وكمان بيبقى كرسبى اكتر
تانيا التوم نكتره فى الصلصه والدقه لانه بيدى طعم روعه
ثالتا الزيت الى هنحمر فيه البصل لازم يبقى كتير ونحمر البصل مع التقليب كويس اووى ونشيله وهو لونه دهبى داكن
مش اسود لانه لو اتحرق هيبقى طعمه مر وهيبوظ الدنيا واول ما نطلعه نحطه على ورق مطبخ لامتصاص الزيت الزياده
وبكده هتيقى عندك تقليه كرسيبى وتجنن
رابعا باقى الزيت الى حمرنا بيه البصل هنستخدمه مع باقى المكونات وطبعا طعمه بيبقى مميز لانه اخد كل طعم البصل
واحنا بنعمل الشطه هنحمر الشطه مع الزيت وفى الوقت ده لو عندك اطفال ابعديهم لانها طبعا ممكن تشرقهم وافتحى الشفاط كويس
خامسا اختارى المكرونه نفس النوع علشان تاخد نفس الوقت فى التسويه
كمان بعد ما تتسلق اشطفيها كويس
وتكونى محضره زيت وتوم وتشوحييه وبعدين تنزلى بالمكرونه عليهم وبكده تضمنىان المكرونه طعمها روعه وكمان هتفضل مفلفله وعمرها ما هتلزق فى بعضها
سادسا المايه الى هنسلق فيها العدس هنستخدمها لتسويه الارز مع الشعريه وده طبعا هيدى للارز لون وطعم حلو اووى
لانها واخده كل طعم العدس
وطبعا لو نفذتوه الحاجات ده هتضمنوا طبق كشرى ناجح ان شاءالله
الطريقه
نبدأ بالصلصه
هنحط الزيت ( واتفقنا الناتج عن تحمير البصل ) يسخن
نزل عليه بالتوم المفروم يتحمر وبعدين نطفييه بالخل
وننزل بالطماطم والصلصه والملح والفلفل والكمون ونسيبهم لغايه ما يتسبك كويس وده صورتها
الدقه
هنحط الزيت ( واتفقنا الناتج عن تحمير البصل ) يسخن
ننزمل بالتوم الكتير بس مش هنحمره يدوبك يدبل بس
نزل عليهم بالمايه والخل والليمون والملح والكمون ونسيبهم يغلوا شويه المايه هتقل والتوم هيستوى وكده تبقى جاهزه
الشطه
هنحط الزيت ( واتفقنا الناتج عن تحمير البصل ) يسخن
ننزل عليه بكميه الشطه ونقلب كويس وبعدين ننزل بالخل والمايه ونسيبها تغلى غلوه وكده تكون جاهزه
وده صوره للشطه والدقه مع بعض
نبتدى نجهز التقليه
هنحط الزيت وننزل عليه بالبصل السلايز ونحمره كويس اووى مع التقليب باستمرار علشان يبقى كله لون واحد
واما يتقى لونه دهبى ننشله على ورق مطبخ وده الشكل بتاعه دهبى ومقرمش ومفيهوش اى زيت زياده خالص
الزيت الباقى من تحمير البصل نرفعه ونسيب فى الحله حوالى معلقتيين تلاته
نزل عليهم بمايه وملح وفلفل وبهارات وننزل بالعدس يتسلق كويس
والزيت الباقى نرفعه فى حاجه لاستخدام زى ما قولتلكم
نصفى العدس اما يستوى كويس ونعيم مايته لتسويه الارز مع الشعريه
نبتدى نجهز الارز مع الشعريه
هنحط الزيت المتفقين عليه ونزل بالشعريه تتحمر وبعدين ننزل بالرز وملح وفلفل وبهارات وخلى بالك الملح مش كتير علشان مايه العدس فيها ملح ونزود عليه شويه تقليه يستوى جواه
نزل عليه بمايه تسويه العدس ونسويه عادى
ونسلق المكرونه ونشوحها بالزيت والتوم زى ما فلتلكم
ونكون مجهزين حمص الشام المنقوع والمسلوق
وبس كده نكون جاهزين للتقديم
طبعا التقديم حسب الرغبه بس الشكل التقليدى للكشرى كويس
وهو اصلا مش بيحتاج تزويق مكوناته مزوقه طبيعيا هههههههه
انا بحط المكرونه الاول وبعدين الارز والعدس والتقليه والصلصه وفى الاخر حمص الشام
وبعمل الطبق هرمى شويه
وعند التقديم حطيب بوله فيها الدقه والشطه مع الطبق
وطبعا بتزودى اطباق لكل حاجه للى عاوز يزود براحته
زوووووووووووووووم
يا رب يكون عجبكم يا فتوكات وتجربوه بطريقتى وكان نفسى ادوقكم والله رووووووعه بس تخيلوه الطعم من الصور
ومتنسوش اتقييم زى كل مره وردودكم طبعا
سلام