[center] [size=25]
ازيكم يا احلى فتوكات انا انهارده كنت محتاره اطبخ ايه كالمعتاد طبعا ماما قالت لى فكرى فى حاجه خفيفه تتاكل بعيش زهقنا رز ومكرونه ومحشى قلت اعمل صينيه فراخ مشويه فى الفرن وملوخية ناشفه صعيدى جيالنا زيارة من جيرانا انما ايه جامده ما علينا و قدمت جنبهم طحينة و سلطه و طبق مخلل زيتون و فلفل عمايل ايد مامتى وانا مخلله زيتون اسود اول مره اعمله لسه فى مرحلة التخليل ادعولى ينجح و قدمت عيش وطبق مكرونة ليا لانى الوحيدة اللى مش بزهق من اكل المكرونه ابدا
رغينا كتير ندخل على الممم
مبدئيا المقادير
فراخ اد ماتحبى - معلقة كمون - معلقتين فلفل اسمر - معلقتين او 3 ملح اد ماتحبى بردو - معلقتين زعتر - حبهان - ورق لورا
بصلايه مفرومه ناعم جدا - فص توم مفروم - قرن فلفل مفروم (اختيارى)
الاول ننضف الفراخ كويس ونغسلهم بالملح و الخل والليمون ونشطفهم كذا مره كده و بعدين نفرد كل قطعة و بالهون او اى حاجه تقيله نضرب على الفراخ والعظم كويس عشان مايبقاش فيها دم لما تستوى و بعدين نعمل فتحات بالسكينه كدا فى الفراخ عشان التتبيله تدخل كويس
دى قطعة دقيتها خالص وعملت فيها فتحات
وخلصنا كل الكميه ايه
و بعدين نخلط الفلفل الاسمر على الملح على الكون ونضعك بيهم الفراخ كويس اووووووى و
بعدين نخلط باقى المقادير الفلفل الاخضر و البصل و التوم و الزعتر مع بعض وبردو ندعك بيهم الفراخ تانى و بعدين نحطهم فى صينيه انا حططهم فى صينية الفرن الكهرباء
و بعدين نحط عليهم عصير ليمونه كبيره او لمونتين ثلاثه صغيرين كان عندى صغير حطيط اتنين ونص و بعدين نحط ورق اللورا و الحبهان وكوبايه مايه صغيره كوبايه القهوه يادوب عشان تستوى كويس وتتطرى
و علطول على الفرن من غير اى وقت للتتبيله والله ولا نقطة دم ابدا بتبقى روعه و طعمه والفراخ طريه وجميله ودى طريقتى المعتدمة وهتشوفو فى الصور اد ايه جميله
معلشى نسيت اصور الطحينة والسلطة بقى
لو عجبكم الموضوع ربنا يكرمكم دعوه حلوه كده انه ربنا يصلح مابينى وبين جوزى و يبعد الشيطان مابينا و يحل مشاكلنا يارب وربنا يصلح احوالكم جميعا اللهم امين
[/size]