الرئيسية
موضوع: وصـــفـــه مجـــنـــونه لعـــشـــاق التـــونـــه ... ومفيش صور ^_^ 
السلام عليكم
ازيكوا يا فتوكات
يا رب تكونوا بخير
اول مره اكتب فى القسم هنا
وتقريبا ده القسم الوحيد
الى معبرتوش من يوم مادخلت
اصلى لسه بتعلم
أ ب فى الطبيخ
فماليش افتكاسات
بس انهارده جايبالكوا
افتكاسايه من افتكاسات اخويا
اصله ساعات بيدخل المطبخ بليل يعمله اكل
وطالما دخل
يبقى لازم يفتكسله حاجهامال يبقى دخل على الفاضى
واجارك الله بقى
لا الصراحه تتقال
بيعمل حاجات حلوة اوى
زى الوصفه الى جايبهالكوا
هى مش وصفه اوى بس تُعتبر افتكاسايه
ومقاديرها بسيطه اوى
ومن سهولتها
كسلت اجيبلكوا صور بصراحه
نخش على المفيد
المقادير
1_طمطمايه
2_فلفل حامى (للى بيحبوا الحامى )
او استبدليه بأى حاجه خضره
اقصد فلفل رومى يعنى
ومفيش تلاته
افتكسايه افتكسايه يعنى
استنوا بس نخش على الطريقه
واعمليها ودوقى
وابقى اتكلمى بعدين
الطريقه
1_ هتجيبى طاسه وتحطيها على النار
2_ هتفتحى علبه التونه وتدلقى شويه زيت منها فى الطاسه
3_ هتقطعى الطماطم والفلفل قطع صوغيره وتحطيها على النار مع زيت التونه
4_هتسيبيها ثوانى لحد ما الزيت يتأثر بلون الطماطم
5_ادلقى التونه على الخليط الى عملناه
6_قلبى شويه صغيره
7_ وبعدين كلى بقى
وبــــــــــــــــــــــــــــــــــــس
شوفتوا سهله ازاى
مابتاخدش ثوانى
جربيها وقوليلى
ويا رب تطلع افتكاسايه فعلا
لاحسن تطلع حاجه الناس كلها بتاكلها
وابقى تعبت على الفاضى
وبالهنا والشفا
فى
امان
الله
