ازيكم ياقطاقيط وحشتووووووووونى موت
انا من اسبوع كدة شفت برنامج منال العالم وانا اصلا مش بعرف اتابعها كتير عشان مواعيدها
المهم
لقيتها جايبة طبق حلو سهل اخر حاجة بس عايز بس ترتيب فى الخطوات والصراحة شكلة عجبنى
قولت نجرب ومش هنخسر حاجة
امبارح بقى عملتة ولسة شايفة النتايج قدام عنية حالا وقولت تشوفها انتم كمان
لانة شكلة لذيذ جدا جدا جدا و هيعجب الاطفال بالذات اوى شكل وطعم
بس سامحونى انى ماصورتش الخطوات لانى كنت لسة بجربه وكنت لسة مش متاكذة من النتايج
تعالوا نشوف الاول صورة تشويقية ويعدين ندخل فى الطريقة
شكلة جامـــــــــــــــــــــــد مش كدة
1- 3علب جيلى يكونوا 3 الوان مختلفة يعنى احمر واخضر وبرتقانى( انا بقى مالفتش لون اخضر للاسف فعملت فروالة ومانجة ومشمش )
2- علبة جيلى اناناس (ودة هنحتاجة فى حاجة تانية غير ال 3 الوان ركزوا معايا )
3- عصير اناناس العلبة الصغيرة خالص اللى بجنية ونص دى ودى صورتها
4- علبة كريمة خفق 1/2 لتر ( انا استعملت جهينة ودى صورة النوع اللى انا استعملتة )
5- 1/2 كوب سكر
ركزوا معايا بقى فى الطريقة وسامحونى فى الصور لانى ماصورتش الخطوات بس استعنت بصور من النت
اول حاجة هنعمل الجيلى عادى جدا نغلى مياة وندوبة ونحط علية مياة باردة بس هنقلل المياة المرة دى عن المعتاد
يعنى 1/2 مياة باردة و 1/2 مياة سخنة
ونحطهم فى 3 قوالب او 3 اطباق المهم يكون حاجة واسعة تشاعدك فى تقطيعة بعد كدة
ونسيبة فى التلاجة لمدة 3 او 4 ساعات يجمد اوى وبعديم نبتدى نشتغل فى باقى الخطوات
ب عد كدة نحط عصير الاناناس عن النار ونسخنة ونجيب باكو جيلى الاناس وندوبه فى العصير ومن غير مانض يف مياة باردة
المـــــــــرة دى
نسخن العصير وندوب الجيلى ونحط علية 1/2 كوباية السكر ونسييهم شوية يمسكوا بس برة التلاجة
لييية برة التـــــــــــــلاجة ؟
عشان المرة دى احنا مش عايزينة جيلى جامد احنا عايزينة يبقى
زى بياض البيض بالظبط
عارفة قوام بياض البيض شفتى بيبقى لزج ازاى اهو احانا عايزينة كدة
تمام كدة ياستى
نكمل باقى الخطوات
بعد كدة ودى الخطوة الاخيرة نجيب الكريمة ونضربها فى المضرب الكهربائى لحد ماقوامها يتقل
بس مش عايزينها كثيفة يدويك تتقل معاكى
خلصنا الكريمة نيجى لاخر خطوة وهى الخلط
اولا هنجيب الجيلى ونقطعة مربعات فى مكانة بالسكينة زى الصورة دى
ونعمل كدة فى ال 4 الوان وهيبقى صورتهم كدة بعد الخلط
وبعد كدة نحط مكعبات الجيلى دى على الكريمة المخفوقة بعد مانكون ضيفنا عليها جيلى ال أناناس ( اللى زى زلال البيض فاكرينة )
نكمل المشاركة الجاية